Screen-by-screen guide — Hinglish mein. Har role ke liye sirf rozana ke kaam (daily tasks).
Jo button screen par English mein dikhte hain, wo yahan bhi English mein hain — bilkul waise hi dhoondho.
Version 1.32ScannerSupervisorWarehouse ManagerLogistics ManagerStore UserAdminSecurityWarehouse QCHO QCGRNBuyer
SCREEN PAR
Yeh aapko screen par dikhega — pehchano.
KARO
Yeh steps karne hain — order mein.
DHYAN
Galti yahan hoti hai — ruk kar padho.
▾
Navigation — tabs ab grouped
v1.22 · mobile hubs v1.23 · sabke liye
Pehle bahut tabs the; ab woh ~5 groups mein aa gaye. Koi screen hati nahi — sirf ek level neeche. Group par tap karo — upar ek toggle patti khulti hai, usme se andar ki screen chuno. (Yeh dropdown nahi — phone par purana menu neeche chhup jaata tha, isliye ab har group ek hub screen hai, Overview jaisa.)
Overview
Dashboard + SCM + System Health — ek screen, upar Funnel / SCM / Health toggle + KPI link.
Scan
Scan console — roz ka floor kaam. Alag rehta hai.
Operations
Tap → upar Cartons · Not Found · Trips · Labels · WMS Upload toggle.
Inbound AAVAK
Tap → upar Board · Unload · Gate · LPN · Planning · QC · Sample · GRN · Buyer toggle. Har aavak role ko sirf apni screen (Security → sirf Gate, QC → sirf QC, waise hi).
KPI Dashboard
Command centre (alag page).
Admin
Tap → upar Users · Store View toggle.
Store user
Cartons + Stores (tap → My Store · Shipments).
PURANA → NAYA
Dashboard/SCM/Health → Overview · Cartons/Not Found/Trips/Labels/WMS Upload → Operations · Users/Store View → Admin. Har role ko sirf apne allowed groups dikhte hain. Not Found sirf Supervisor / WM / Admin ko (Operations ke andar).
00
Login & Password
Sabke liye
Har din shuru karne se pehle app kholo aur login karo. App phone aur laptop dono par
same tarah chalti hai. Pehli baar ka temporary password sirf ek baar chalta hai — turant apna naya password banao.
ROZANA
App kholo aur login karo
1
Browser mein warehouse app ka link kholo (jo IT ne diya hai).
2
Username aur Password daalo, phir Sign In dabao.
3
Login ke baad apna dashboard/screen khul jayega. Neeche/upar nav mein aapke tabs dikhenge.
DHYAN
Password galat 10 baar daala to account lock ho jayega. Tab supervisor/manager se unlock karwana padega — isliye dhyan se type karo.
PEHLI BAAR
Temporary password badlo
1
Nayi ID par pehli baar login karte hi app naya password maangegi — yeh normal hai.
2
Apna naya password do baar daalo aur save karo. Ab se wahi password chalega.
TIP
Password kisi ko mat batao. Bhool jao to Admin ya Warehouse Manager reset kar sakte hain — wo naya one-time password denge.
Scanner ka kaam Scan tab par hota hai. Pehle apna station chuno,
phir carton ka barcode scan karo. Upar aapki My Scans patti aaj ki ginti dikhati hai.
STEP 1
Station select karo
1
Neeche nav se Scan kholo.
2
Upar Station dropdown se apni jagah chuno — jaise creation, staging, cla, putaway, segregation, return, loading, receive.
3
Agar Admin ne aapka station set kiya hai, wahi apne aap chun jayega. Roz check kar lo ki sahi station hai.
DHYAN
Galat station chuna to carton galat jagah "move" ho jayega. Scan se pehle station zaroor dekh lo.
STEP 2
Carton scan karo
1
staging par: pehle pallet ka Pallet aur Route daalo (ya Allocate pallet button se pallet ko route par lagao), phir carton scan karo. Route khaali chhoda to app poochhegi: "Route for this pallet (e.g. R-37):".
2
putaway par: bay/rack ki Location daalo, phir scan karo — app batayegi ki bay us route ki hai ya nahi. Ek bay mein 2 pallet tak; bhar jaane par agla pallet BAY FULL se rukega (supervisor override chalega).
3
Baaki stations par: seedha barcode scan karo. Green = OK. Red = ruk jao aur message padho.
TIP
Ek hi carton do baar mat scan karo — app "double-scan" pakad leti hai. Recent scans neeche list mein dikhte hain.
NAYA · v1.14
Return station — wapas rack par
1
Jo carton trip ke liye nikale the par truck nahi gaya — unhe wapas rack par rakhna hai.
2
Station return chuno → Pallet aur Location ke box dikhenge. Bharo, phir carton scan karo.
3
Return kiya hua carton agli trip ki list (STO) mein apne aap aa jayega — dobara entry ki zaroorat nahi.
NAYA · v1.14
My Scans — apni ginti
1
Scan tab ke sabse upar neeli patti = My Scans. Yeh aapke aaj ke scans, moved cartons aur rejects dikhati hai.
2
7-day / best-day view se apni progress dekh sakte ho. Yeh sirf aapki apni ginti hai — motivation ke liye.
Supervisor scanner ka saara kaam kar sakta hai, aur do extra cheezein: rukey hue (blocked) scan ko
override karna, aur CLA handover ki checking. Har override log hota hai — soch samajh kar karo.
ROZANA
Blocked scan ko override karo
1
Jab app scan rok de (red), ek box aayega: [block ka reason] … "Supervisor override?" — OK dabao.
2
App poochhegi "Supervisor PIN:" — PIN daalo. Phir "Reason (required, will be logged):" — chhota reason daalo.
3
Carton aage badh jayega. Yeh action naam aur reason ke saath record ho jayega.
DHYAN
Override sirf tab dikhta hai jab scan block ho — normal green scan par nahi. Override PIN SCM → SCM controls se set hota hai. Har override reports mein dikhta hai.
NAYA · v1.14
CLA handover verify karo
1
Step 1 — pallet: station cla chuno → "Pallets waiting for CLA handover" list aayegi. Pallet ka barcode scan karo ya Start handover tap karo.
2
Step 2 — cartons: pallet verify hote hi "✓ Pallet verified — from staging" dikhega, phir checklist khulega (grey ○). Har carton scan karo — green ✓. List mein nahi tha wo red ! EXTRA. Galat pallet (waiting list mein nahi) = not accepted.
3
Aakhri carton ✓ hote hi upar bada "✓ PALLET VERIFIED" banner aayega. Phir complete karo. Kuchh reh gaye to app reason maangegi; missing carton SOS par dikhega.
NAYA · v1.24
Not Found — jo carton mila hi nahi
1
Operations → Not Found kholo. Yahan wo carton hain jinhe WMS ne pack bataya, par jo threshold (default 15 min) ke andar creation par verify nahi hue. Har row par packer + WMS scanner ka naam, WMS time aur overdue (jaise "2h 41m") — kiski wajah se, saaf.
2
Search party — dhoondhne ka kaam khol do. Jab wo carton creation par verify ho jayega, search apne aap band (row par "search open" pill).
3
Void — not created — carton bana hi nahi tha to. App reason maangegi (zaroori). Seedha delete nahi — pehle manager approve karega.
TIP
Upar By packer aur By hour rollup batate hain galti kahan / kab ho rahi hai. creation scan ke waqt hint par "Not found list: N" link se seedha yahan pahuncho.
WM sab dekh sakta hai. Rozana ke teen main kaam: WMS upload approve karna, dashboard/SOS par nazar,
aur zaroorat par nayi verification gates chalu/band karna.
ROZANA
WMS upload approve karo (do-vyakti niyam)
1
WMS Upload tab kholo. Pending batch ke saamne Review dabao.
2
Asli rows dekho — Box No, DO, Route, Store, Qty. Number nahi, actual data par decide karo.
3
Sahi lage to Approve, warna Reject. Approve ke baad cartons system mein aa jate hain.
DHYAN
Jis vyakti ne upload kiya, wo khud approve nahi kar sakta. Doosra WM ya Admin approve karega — yeh control jaan-boojh kar hai.
TIP · v1.24
WMS file mein 3 optional column daalo — Packer Name, Scanner Name, Created Time — tabhi Not Found tracking chalti hai (header naam flexible, jaise "Packed By"/"Creation Time"). Bina inke bhi upload waise ka waise. Template download mein yeh already hain.
NAYA · v1.24
Not Found — approve & report
1
Operations → Not Found par WM/Admin ko "Pending void approvals" card dikhta hai (supervisor ki raise ki void requests). Approve = carton void (funnel, dashboard total, day-close se hat jayega; par trail search mein hamesha). Reject = carton live.
2
Apni khud ki request WM approve nahi kar sakta — doosra manager ya Admin karega. Threshold (15 min) upar se badal sakte ho — shuru mein 60 min, phir dheere-dheere 15 tak.
3
Download CSV (last 7 days) — yeh HO ko har hafte bhejo; WMS data-quality source par theek karne ka proof.
ROZANA
Dashboard & SOS dekho
1
Dashboard par funnel dekho — Created ab do hisso mein: unverified aur creation-verified.
2
SCM par rollover card = jo cartons return hue aur agli trip ka intezaar kar rahe hain.
3
SOS list roz check karo — atke hue / missing cartons yahan dikhte hain.
SETTING · v1.14
Verification gates — chalu/band
1
Do naye check default se band hain, taaki floor ka kaam waise hi chale jab tak aap ready na ho:
2
require_creation_verification — chalu karne par bina creation-verify carton staging par ruk jayega.
3
cla_carton_verification — chalu karne par CLA par carton-by-carton handover shuru ho jayega.
4
One store at a time while loading — chalu par loading trip ki store sequence ke order mein hoti hai (pehla store poora, phir agla). Trip banate waqt sequence bharna zaroori. Full truck par Logistics Manager"Close — no space" se bache carton wapas rack bhej deta hai.
TIP
Gates ko pehle shaant time (kam load) par test karo, team ko batao, phir permanent chalu karo. Kabhi bhi wapas band kar sakte ho.
AAVAK · v1.26
ASN upload (roz ki ERP file)
1
WMS Upload → Inbound ASN upload. Roz ki ERP "ASN pending" Excel daalo — header + lines dono aa jaate hain. LR baad mein aaye to dobara upload par wahi ASN update ho jaata hai.
2
Supplier/consignor, PO, division sab automatically nikal aate hain. "NO. OF BOX" khaali ho to koi baat nahi — gate ki ginti kaam karti hai.
AAVAK · v1.29
ASN approve karo — GRN se pehle
1
Inbound → Board par "ASN approvals" card: staged ASN ke saath per-PO pack — invoice hai ya nahi, gate-vs-LPN variance, aur QC status.
2
Sahi lage → Approve. Galat → Reject (note zaroori; ASN exception/SOS list par chala jaata hai jab tak theek na ho). Bina approve ASN ka GRN nahi hoga.
TIP
Kaun approve kare yeh config se badal sakta hai (asn_approval_roles, default WM+Admin) — agar HO ka commercial person kare to unki login banao.
AAVAK · v1.27–v1.29
Planning & analytics
1
Inbound → Planning: appointment slots, expected cartons per slot, aur no-shows — manpower/dock planning ke liye.
2
SCM → Inbound section: ASN funnel, live gate/dock, 9 clocks (LR SLA, transit, yard wait, dock time, GRN cycle, truck turnaround…) aur vendor scorecard (DHU, damage, box accuracy, on-time).
3
Detention default band hai — sirf tab chalu karo (detention_hours) jab transporter contract mein detention clause ho.
Store user apne store ke aane wale maal ke liye My Store aur Shipments
use karta hai. Kaam simple: aaya hua maal confirm karo, aur aane wale truck dekho.
ROZANA
Maal receive karo
1
My Store kholo. Jo truck/cartons aapke store ke liye aaye hain wo dikhenge.
2
Carton phone camera se scan karo ya manually confirm karo ki maal pahunch gaya.
3
Confirm karte hi HO ko pata chal jayega ki delivery ho gayi — alag se call/message ki zaroorat nahi.
DEKHO
Shipments — kya aa raha hai
1
Shipments par status dikhta hai: warehouse mein / transit mein / delivered / past trucks.
2
Isse aap plan kar sakte ho ki aaj/kal kitna maal aayega — bina kisi ko poochhe.
Admin (aur WM) Users tab se log banate/badalte hain. Kuchh suraksha niyam
app khud lagati hai — aap khud ko band nahi kar sakte, aur aakhri active admin nahi hataya ja sakta.
SETUP
Naya user banao
1
Users tab → + New user. Username, naam aur role chuno (scanner, supervisor, etc.). Scanner ke liye station bhi de sakte ho.
2
Create dabao. App ek one-time temporary password dikhayegi — wo user ko de do.
3
User pehli baar login par khud apna naya password banayega.
DHYAN
WM sirf floor roles bana/badal sakta hai (doosra admin nahi). Sirf Admin doosre admin bana sakta hai.
ROZANA
Password reset & account unlock
1
Password bhoolne par: user ke saamne reset karo → naya one-time password milega. Purana password band ho jayega.
2
10 galat login se locked account: unlock karo — failed-login ginti zero ho jayegi.
3
Har badlaav user audit log mein likha jata hai — kaun ne kya kiya, saaf dikhega.
TIP
Access matrix (Users tab par) batati hai kaun sa role kaun sa screen dekh sakta hai — training mein dikhane ke liye best.
Ek carton warehouse mein in stations se guzarta hai — roughly isi order mein. Scanner ko sirf apne
station se matlab hai, par poora flow samajhna achha hai. Laal border = naya optional check (gate).
01
creation
Carton banne par confirm — "yeh physically hai".
GATE · v1.14
02
staging
Pallet + route par lagao, aage bhejne ke liye tayaar.
03
cla
CLA par pallet handover — carton-by-carton check.
GATE · v1.14
04
putaway
Route ki bay mein rakho — 2 pallet/bay tak; bhari bay block.
05
segregation
Route/store ke hisaab se chhanto.
06
return
Na gaya maal wapas rack par → agli trip.
07
loading
Trip par load karo. Store-by-store ON ho to trip ki sequence ke order mein — ek store poora, phir agla.
Yeh naya Inbound hissa hai — jab vendor ka maal warehouse mein aata hai (aavak). Poora safar:
Gate → Unload → QC → HO sample → Approval → GRN. Har role ke apne screen Inbound hub ke andar hain
(tap → upar Board · Unload · Gate · LPN · Planning · QC · Sample · GRN · Buyer toggle). Neeche har role ka rozana kaam.
08
Security — Gate
Aavak · truck gate par
Guard sirf Gate screen dekhta hai. Truck aane par uski entry banao, box ginti daalo,
aur token nikaalo. Baaki app aapko nahi dikhegi — yeh jaan-boojh kar hai.
STEP 1
Truck aane par gate entry banao
1
Gate kholo → ASN number ya PO number search karo. Vendor, consignee aur PO screen par aa jayenge.
2
Vehicle no, transporter, driver ka naam aur mobile daalo. Entry time apne aap lagta hai (zaroorat par ±15 min adjust).
3
Bina papers wala truck? No-ASN arrival mark karo — vehicle, claimed vendor aur ek note daalo.
STEP 2
Box ginti aur token
1
LR/invoice se har PO ki box ginti type karo. App turant ASN se compare karti hai — kam/zyada variance dikhega (ASN mein "NO. OF BOX" khaali ho sakta hai, tab gate ginti hi sach).
2
Save par ek token (T-1, T-2…) milta hai — daily sequence. Token print karo (thermal/laser) ya driver/vendor ke mobile par WhatsApp link bhejo.
3
Driver apne link se apni queue position aur status khud dekh sakta hai — sirf uska hi truck, kisi aur ka nahi.
DHYAN
Maal nikalne ke baad truck jaate waqt Gate-OUT zaroor karo — tabhi truck turnaround ka time sahi ginta hai.
Yard se truck ko dock par bulao (docks 9–14), seal ki photo lo, phir cartons ko LPN label se pallet par utaaro,
pallet ko row par rakho, aur aakhir mein driver ke saamne ginti sign karao.
STEP 1
Dock par bulao + seal photo
1
Inbound → Board: yard queue se agla truck chuno, khaali dock (9–14) select karke Call dabao. Driver ke link par dock number aa jayega.
2
Kholne se pehle: Unload screen par truck kholo → seal ki photo aur container condition ki photo lo. Yeh claim ka sboot hai — baad ka damage nahi mana jayega.
STEP 2
LPN scan karo pallet par
1
Ek baar ASN + pallet set karo, phir har carton par lagi LPN label paste/scan karo. Range se bahar wala LPN warning deta hai; ek baar use hua LPN dobara kabhi nahi chalega (hard block).
2
Stage-1 check (3-tap): packaging OK/damaged (+photo), markings PO se match, andar barcoded hai ya nahi, dikhne wala damage — aur carton ginti tally. Sab theek ho to defaults chhodo.
3
Pallet bhar jaye to close karo → phir putaway: pallet + INB row (jaise INB-BOYS-R1) scan karo. Division alag ho to soft warning aata hai (rukta nahi).
STEP 3
Variance sign — driver ke saamne
1
Sab pallet ho jaayein to app ASN expected vs tally dikhati hai. Short/extra/damage abhi, driver ke saamne record karo — acknowledge par sign karao.
2
Complete hote hi ASN staged-inbound ho jaata hai aur QC ke sample task apne aap ban jaate hain.
DHYAN
Shortage gate-out ke baad pakda to claim mushkil. Isliye ginti truck jaane se pehle hi sign karao.
TIP · LPN
Truck aane se pehle LPN block reserve karo: Inbound → LPN par ASN/PO chuno, count expected boxes + buffer. IT jo ranges print karta hai unhe WM register karta hai (LPN tab).
QC sirf QC screen dekhta hai. App apne aap har PO ke liye alag-alag LPN se sample chunti hai (aap khud nahi chun sakte).
Har piece check karo, defect + photo bharo, aur result do.
STEP 1
Worklist se task lo
1
QC kholo → apni worklist. Har task batata hai kaunse LPN aur kaunse row par jaana hai (18 pcs, 3 alag LPN).
2
Claim dabao — task aapke naam ho jaayega (doosra QC usse nahi le sakta).
PO pass hote hi uska ek sample Head Office jaata hai review ke liye. Poora safar scan hota hai —
jab tak sample wapas nahi aata, us PO ka GRN block rehta hai (warna stock short dikhta).
WH QC
Sample chuno aur HO bhejo
1
Sample tracker par pending sample kholo → Select & scan pieces (item barcode scan; normal 1 pc, concern ho to 1–2 set).
2
Dispatch to HO → transport mode chuno (own vehicle / courier / other) + reference (trip no / docket).
HO QC · qc_ho
HO par receive → CMD → wapas bhejo
1
HO QC sirf Sample screen dekhta hai. Sample aane par Receive at HO.
GRN team inbound se maal takeover karti hai (jaise outbound ka CLA handover). Jisne unload complete kiya, wahi GRN nahi kar sakta —
checker alag hona chahiye.
STEP 1
Eligibility + session start
1
GRN → ASN number daalo → Load. Har pallet eligible hai ya nahi dikhega. Block hone ka reason saaf likha hota hai (ASN approve nahi / QC pass nahi / sample wapas nahi / QC-HOLD mein).
2
Eligible pallet ho to Start GRN session dabao.
STEP 2
Pallet verify + complete
1
Har eligible pallet par Verify: uske LPN scan karo (ya count-confirm). Missing/extra apne aap dikhta hai. Naya damage ho to photo + note se record karo.
2
Sab pallet verify hone par Complete handover. Kuchh short ho to reason (ya supervisor override) maangega; missing LPN SOS par jaate hain.
STEP 3
GRN number post karo
1
Har PO ka GRN number daal kar Post karo. Jab ASN ke saare PO post/resolve ho jaayein, ASN apne aap close ho jaata hai.
Buyer Buyer screen par apni division ke vendor ka maal live dekhta hai — "mera maal kab utrega" ki call ki zaroorat nahi.
Buying Head sabhi division dekhta hai + approvals.
DEKHO
Gate par / abhi unload ho raha
1
At gate now = aapke vendor ke truck gate par. Unloading now = abhi kaunsa maal utar raha hai. Gated out today = aaj nikle.
2
LR overdue (48–72h) watch = jinki LR/bilty der se hai. Samples at HO = aapke PO ke sample HO par kis stage par.
ACTION
RTV / deviation approve karo
1
Buyer: QC approvals card par fail-PO ki RTV request — defect codes, photos aur DHU dekh kar Approve/Reject (remarks ke saath).
Buyer sirf apni division ka maal dekhta hai (Users tab mein set hota hai). Yeh screen call-kaatne ke liye hai — visibility, taaki aapko aur WM ko phone na aaye.